9 დეკემბერი მადრიდის რეალისთვის ნამდვილად არ იყო დასამახსოვრებელი. დღე სასიამოვნოდ დაიწყო: სევილიაში ჩასულ ბლანკოსს მრავალრიცხოვანი ფანების ჯგუფი დახვდა გასამხნევებლად. თუმცა სტადიონის ტერიტორიაზე მათი გამოჩენა არავის გახარებია. სევილიას გულშემატკივრები მათ ყინულის ნატეხებით და კვერცხების სროლით შეეგებნენ. პოლიციის წყალობით რეალის ფეხბურთელები გადარჩნენ და სტადიონზე მშვიდობიანად შეაღწიეს (ავტ. დიდი მადლობა პატრულს ). მთელი მატჩის განმავლობაში არ შეწყვეტილა სტვენა სერხიო რამოსის მისამართით. აგრესია გამწვავდა დევიდ ბექჰემის მიერ უნაკლოდ შესრულებული საჯარიმო დარტყმის შემდეგ. სევილიელმა ინჩადამ იკერ კასილასის კარის მიმართულებით უამრავი სხვადასხვა ნივთის სროლა დაიწყო. მთელი ეს დაძაბული დღე კი რეალის წაგებით დამთავრდა. მეთექვსმეტე წუთზე კანუტიმ აიღო კასილასის კარი, ხოლო 78-ე წუთზე ჩევანტონიმ გადაწყვიტა მატჩის ბედი სევილიას სასარგებლოდ. სანჩეს პისხუანის სტადიონზე პირველად შედგა რონალდოს და ნისტერლოსი დუეტი, თუმცა აშკარაა, რომ მათ შეთამაშება აკლიათ. მოედანზე ტრამვის შემდეგ დაბრუნდა გუტი და კანავარო. კაპელომ თავის ჩვეულ ტაქტიკას (4-2-3-1) გადაუხვია, მაჰამადუ დიარას არყოფნის გამო და გუნდი სტადიონზე გაიყვანა სტანდარტული ტაქტიკით (4-4-2). ფლანგებს ერთმანეთში ინაწილებდნენ დევიდ ბექჰემი და რაული, ხოლო ცენტრი მთლიანად გუტის და ემერსონს ეკავათ. მადრიდელებს მხოლოდ ორი ვარიანტი ჰქონდათ ანდალუსიელების მუქარის შესაჩერებლად: პოზიციების განმტკიცება და ბურთის ფლობის შენარჩუნება. ბექჰემის შესრულებული ჯარიმის შემდეგ თამაში თითქოს დააწყნარეს მადრიდელებმა, მაგრამ ლუის ფაბიანოს დარტყმული ძელმა აისხლიტა და ეს მშვენივრად გამოიყენა კანუტიმ და კასილასის მარჯვენა კუთხეში გაიტანა გოლი. ბლანკოსმა პირველი 45 წუთი შესანიშნავი თამაში შემოგვთავაზა. განსაკუთრებით აქტიურობდა გუტი. დაწინაურების შანსი ბევრჯერ ჰქონდა რეალს თუმცა ყველა ცდა უშედეგოდ დამთავრდა. მეორე ტაიმის პირველი ათი წუთის განმავლობაში ცდილობდა ორივე გუნდი თამაშის დალაგებას. მეორე ნახევრის ბოლო წუთებამდე ჩანდა, რომ რეალი და სევილია სჯერდებოდნენ თითო ქულას. რონალდოს მოედნიდან გასვლის შემდეგ ანდალუსიელები კვლავ შეეცადნენ თამაში თავიანთ სასარგებლოდ წარემართათ, რაც ნამდვილად გამოუვიდათ და ურუგვაელმა თავდამსხმელმა ჩევანტონმა თავი გამოიჩინა და წერტილი დაუსვა თამაშს. მადრიდის რეალმა კი უკვე მესამე გასვლითი მატჩი წააგო და მეორე ადგილიდან მესამეზე გადაინაცვლა.
|